მიწოდების პირობები

წინამდებარე პოლიტიკა განმარტავს შეკვეთების დამუშავებისა და მიწოდების პირობებს შპს „გამომცემლობა მედუზას“ (ს/ნ: 400296407) მიერ.

1. მიწოდების არეალი

1.1. შეკვეთების მიწოდება ხორციელდება საქართველოს მთელ ტერიტორიაზე.

1.2. საერთაშორისო მიწოდების შესახებ ინფორმაციის მისაღებად მომხმარებელს შეუძლია დაუკავშირდეს მედუზას ელექტრონული ფოსტის ([email protected]) ან სოციალური ქსელების საშუალებით.

2. შეკვეთის დამუშავება

2.1. შეკვეთის დამუშავება იწყება გადახდის წარმატებით დასრულების შემდეგ.

2.2. შეკვეთები მუშავდება სამუშაო დღეებში.

2.3. დასვენების ან უქმე დღეებში მიღებული შეკვეთების დამუშავება განხორციელდება მომდევნო სამუშაო დღეს.

2.4. დამუშავების შემდეგ შეკვეთა გადაეცემა საკურიერო კომპანიას.

3. მიწოდების ვადები

3.1. მიწოდებას ახორციელებს დამოუკიდებელი საკურიერო კომპანია. მედუზა ამზადებს შეკვეთას და გადასცემს მას საკურიერო კომპანიის წარმომადგენელს, თუმცა საკურიერო კომპანიის მიერ განხორციელებულ მიწოდების პროცესსა და ვადებზე პირდაპირ კონტროლს არ ახორციელებს.

3.2. მიწოდების სავარაუდო ვადები და ხელმისაწვდომი მიწოდების მეთოდები ნაჩვენებია შეკვეთის გაფორმების პროცესში.

3.3. მიწოდება ხორციელდება სამუშაო დღეებში, 10:00-დან 19:00 საათამდე. კურიერის ვიზიტის ზუსტი დრო წინასწარ არ არის განსაზღვრული და დამოკიდებულია საკურიერო კომპანიის მარშრუტსა და სამუშაო პროცესზე.

3.4. მიწოდების ვადები შესაძლოა შეიცვალოს ამინდის პირობების, საკურიერო კომპანიის მუშაობის სპეციფიკის, ფორსმაჟორული გარემოებების ან სხვა მედუზასგან დამოუკიდებელი მიზეზების გამო.

4. მიწოდების ღირებულება

4.1. მიწოდების ღირებულება გამოითვლება შეკვეთის გაფორმებისას და აისახება საბოლოო გადახდის გვერდზე.

4.2. მიწოდების ღირებულება შესაძლოა განსხვავდებოდეს მიწოდების მისამართის, შეკვეთის მახასიათებლებისა და არჩეული მიწოდების მეთოდის მიხედვით.

4.3. უფასო მიწოდების ან სხვა სპეციალური პირობების არსებობის შემთხვევაში, შესაბამისი ინფორმაცია მითითებული იქნება ვებგვერდზე ან შეკვეთის გაფორმების პროცესში.

5. მომხმარებლის პასუხისმგებლობა

5.1. მომხმარებელი ვალდებულია შეკვეთის გაფორმებისას მიუთითოს სწორი და სრული ინფორმაცია, მათ შორის:

• სახელი და გვარი;
• ტელეფონის ნომერი;
• მიწოდების მისამართი.

5.2. მომხმარებელი ვალდებულია უზრუნველყოს, რომ მითითებულ მისამართზე შესაძლებელი იყოს შეკვეთის მიღება. მიწოდება ხორციელდება სამუშაო დღეებში, 10:00-დან 19:00 საათამდე. ამ დროის ფარგლებს გარეთ ან კონკრეტულ საათზე მიწოდება ვერ იქნება გარანტირებული.

5.3. შეკვეთის შენიშვნის ველში მითითებული მიწოდების სასურველი დრო ან სხვა მოთხოვნები გადაეცემა საკურიერო კომპანიას, თუმცა მათი შესრულება გარანტირებული არ არის.

5.4. არასწორად ან არასრულად მითითებული ინფორმაციის გამო წარმოშობილი შეფერხებების შემთხვევაში მედუზა არ იღებს პასუხისმგებლობას მიწოდების ვადების დარღვევაზე.

6. დაზიანებული ან დაკარგული შეკვეთა

6.1. თუ მიღებული პროდუქცია დაზიანებულია ან არ შეესაბამება შეკვეთას, გთხოვთ, დაგვიკავშირდეთ პროდუქციის მიღებიდან 14 კალენდარული დღის განმავლობაში.

6.2. თითოეული შემთხვევა განიხილება ინდივიდუალურად და საჭიროების შემთხვევაში მოხდება პროდუქციის შეცვლა ან თანხის დაბრუნება მოქმედი კანონმდებლობის შესაბამისად.

7. ცვლილებები პოლიტიკაში

7.1. მედუზა უფლებამოსილია ნებისმიერ დროს განაახლოს წინამდებარე მიწოდების პირობები.

7.2. განახლებული ვერსია ძალაში შედის ვებგვერდზე გამოქვეყნებისთანავე.

8. საკონტაქტო ინფორმაცია

ელფოსტა: [email protected]
ვებგვერდი: www.meduzabooks.ge