Original price was: 40.80 ₾.20.50 ₾Current price is: 20.50 ₾.
🔖 მოკლე ფორმა და უსაზღვრო სამყაროები.
ეს ნაკრები აერთიანებს მედუზას ორ კრებულს – ქართულ სამეცნიერო ფანტასტიკურ მოთხრობებსა და სხვადასხვა დროსა და სხვადასხვა ავტორის მიერ დაწერილ ამბებს დრაკონებზე. 🔥 ფანტასტიკური შეთავაზება მათთვის, ვისაც ზღაპრული ისტორიების აღმოჩენა უყვარს.
🪼 თუ ფანტასტიკური ლიტერატურის მრავალფეროვნება გიზიდავს, ეს ნაკრები სწორედ შენთვისაა.
შეთავაზებში გაერთიანებულია მოთხრობების ორი კრებული – “დროთა კავშირი” და “ამბები დრაკონებზე”.
🛰️ კრებულში, “დროთა კავშირი” ქართული სამეცნიერო ფანტასტიკის გამორჩეული ნიმუშებია თავმოყრილი. 1967-1984 წლებში დაწერილი მოთხრობები მკითხველს დროში, კოსმოსში, უტოპიურ და პოსტაპოკალიფსურ სამყაროებში ამოგზაურებს, თან იმ ეპოქის საქართველოს კულტურულ და საზოგადოებრივ რეალობასაც გვაჩვენებს.
🔥 “ამბები დრაკონებზე” კი დრაკონის სახეს სრულიად განსხვავებული თვალით გვანახებს. კრებულში შეხვდებით კლასიკურ და თანამედროვე ფენტეზი ავტორების მოთხრობებს – სახიფათო ლეგენდებიდან თბილ, სევდიან და საოცრებებით სავსე ისტორიებამდე. თითოეული ტექსტი გვახსენებს, რომ დრაკონი მხოლოდ მითოლოგიური არსება კი არა, უსაზღვრო წარმოსახვის სიმბოლოცაა.
| ფორმატი | თხელყდიანი |
|---|---|
| გამოცემის წელი | 2022, 2026 |
| Goodreads | https://www.goodreads.com/book/show/61370000 |
| ISBN | 9789941844881, 9789941885723 |
| სარედაქციო ჯგუფი | მარიამ კვიციანი, ანა ყიასაშვილი, გიორგი შარაშენიძე |
|---|---|
| დიზაინერი | ნინა ბიჩინაშვილი |
| დამკაბადონებელი | ნიკოლოზ სულაბერიძე |
🪐 2131 წელს მზის სისტემაში უზარმაზარი ობიექტი შემოიჭრა, რომელიც მეცნიერებს თავიდან პლანეტების მკვლელი ასტეროიდი ეგონათ. მცირეხნიანი პანიკის შემდეგ, დაკვირვებამ გასაოცარ საიდუმლოს ახადა ფარდა: ობიექტი, მეტსახელად რამა, ბუნებრივი წარმოშობის სულაც არ იყო, არამედ გიგანტურ მეტალის ცილინდრს წარმოადგენდა, რომელიც უთუოდ მოაზროვნე არსებების მიერ უნდა ყოფილიყო აგებული. მაგრამ ვინ იყვნენ ეს უძველესი ოსტატები? ან რა მიზნით გამოუშვეს რამა მზისკენ?
🔖 ჰაულის ტრილოგიის მეორე წიგნში მოქმედება ინგარის სამეფოსგან შორს, სამხრეთით მდებარე რაშპუტის სასულთნოში ხდება.
🧞 ხალიჩების ახალგაზრდა ვაჭარი, აბდულა, მოკრძალებულ ცხოვრებას ეწევა და თავის ფარდულში, გასაყიდ ხალიჩებზე გაშოტილი ოცნების კოშკებს აგებს, სანამ უდაბნოს მწირი მფრინავ ხალიჩას არ მიჰყიდის…
❄️ გენლი აი გეთენზე ელჩად წარგზავნილი ადამიანია, რომელმაც ამ ყინულოვანი პლანეტის “ეკუმენში”, დიდ გალაქტიკურ გაერთიანებაში გაწევრიანება უნდა უზრუნველყოს. ახალ კულტურასთან კავშირის გაბმას მისი უცხოპლანეტელობა ართულებს — გეთენელებს ფიქსირებული გენდერული იდენტობა არ გააჩნიათ და გარეგან სქესობრივ მახასიათებლებსაც თვის განმავლობაში მხოლოდ რამდენიმე დღით იძენენ. გენლი გეთენზე ჩაფრენისთანავე გაეხვევა პოლიტიკოსებისა და მეფეების მიერ გაბმული ინტრიგების სახიფათო ქსელში…
💫 ალექსანდრე აბაშელის 1930 წლის რომანი, “ქალი სარკეში” პირველი ქართული სამეცნიერო ფანტასტიკაა.
ის გვიყვება მეოცე საუკუნის პირველ ნახევარში თბილისში მცხოვრები მეცნიერისა და გამომგონებელ გურგენ კამარელზე, რომლის მთელი სამყარო იმწამს იცვლება, რა წამსაც მის კაბინეტში უცნაური გარეგნობის კაცი შეაბიჯებს და არანაკლებ უცნაურ წინადადებას შესთავაზებს. ამ ორი კაცის საქმიანი თანამშრომლობა არა მხოლოდ გასაოცარი ტექნოლოგიური გამოგონების შექმნას გამოიღებს ნაყოფად, არამედ პლანეტის ბედსა და მომავალსაც განსაზღვრავს…
შესვლა
რეგისტრაცია
